自己玩相機可謂愈玩愈cheap，繼早前以$400購入Canon RF機王QL 17III後，上月又以$1500優惠價購入Contax TVS Digital，玩開相機都知Contax 的機仔系列T2；T3與Ricoh 的GR系齊名，這部TVS的digital版早年都熱賣一時，配備Zeiss T鏡，成象銳利富立體感，係衰在反應遲鈍，適合小弟依類老人家把玩也！
好友U記貴為DC資訊尖子，現已身在花旗賭城PMA會場進行前線報導，今年PMA, Olympus 可謂爭返啖氣，一口氣推出兩部新DSLR，兩部新機外型一流，特別係手柄位finishing 造工上乘，真係令OM用家信心返埋黎。
OM更公布一拖再拖的旗艦機E-3外型，算係靚仔過之前好多，OM之前開發的不少功能如除塵；Live View，現已被其他大廠採用，可見OM設計係有料到，可識本地攝影男多品牌先行，OM用家一如八、九十年代的Mac友，慘被邊緣化矣！
另一驚喜是Nikon一改其打慢板本色，極速推出D40ｘ，谷上千萬象素，算係跟返大市走勢，可惜得3點對焦，似乎未夠 Canon 400D砌wor！？
