今早邊呷咖啡邊趕著出門，混亂中聽到收音機傳來的一名主持人訪問沈迷上網隱蔽青年的對答，由於隱蔽青年此term似帶有貶意，小弟姑且稱該青年為精壯青年，因長年在家中養精蓄銳，必定非常精壯也！
精壯青年可能為人較有深度，說話少不免吞吞吐吐，以下對答請大家比少少耐心細讀：
主持人：你每日用幾多時間上網？
精壯青年：….都…..幾….大約10…幾個鐘度
主持人：通常上網做乜？
精壯青年：通常….上…打機啦…都會睇下…..新….聞….同….1….D….討論區
主持人：即係你都關心時事架wor？
精壯青年：係….呀….想知道….平日….有乜事….發生….d人點睇….lor
主持人：你其實想做咩架?
精壯青年：一般…..工作…..好似文職…..對我黎講…唔啱做…果d工…..冇乜用！
主持人：咩工先至叫有用呢？
精壯青年：果d….果d 乜話….果d 講創意既工lor…..好似電影編劇…..有用又啱…..我
主持人：你今年幾多歲？
精壯青年：23….唔係…好似係22 wor….又
原來在康港精壯青年心目中，只有電影行才是有用既工，香港電影實在充滿希望也！期待這名青年快快入行，至少憑他連自己幾多歲都搞唔清的後現代疏Q離思考方式，王家衛遇到勁敵矣!
