10年前男裝興d 乜，寫之前小弟都諗左一陣。最記得當年開始興著軍褲，仲要扣條鏈落銀包，直拉到褲前，通常咁樣著就會襯一對稱為肥仔鞋的板鞋，當年出肥仔鞋最耍家的首推Nose，現在真係找對都難矣！
當年亦開始興古著，小弟都周不時去美華氏尋寶，又因為「戀愛世紀」的餘波，潮流雜誌全力催谷Red Wing同戴撈風潮，撈小弟自問戴不起，Red Wing就先後有兩對，一對係油皮，越著越污糟，另一對係棗紅色，d 皮越著越靚，不過真係著到腳痛，唯有無奈放棄。
至於袋，當年剛崛起的利時，有潮舖代訂日版Gregory，小弟都訂左個樹紋絨面腰bag，用足10年仍然100%新淨，當日索價$500，實在物有所值也！
