焚風襲港，酷暑難擋！如此天氣，除了觀天台假環保台長，正常人都會開冷氣兼無胃口。這種天氣最宜來一個半日式冷菜晚餐，今次介紹兩款小碟，簡單又好味：
薯仔蛋沙律
先把薯仔去皮再切成塊，水滾後扔入鍋內滾一會，再轉細火煮15分鐘，以筷子輕插薯仔測試是否變軟，再倒出薯仔切細塊備用。再開一煲水，放入2-3隻蛋一起滾（記著不要水滾才放蛋，因蛋會爆），蛋熟後（如是溏心蛋狂迷可縮短煮蛋時間）切片，再放入大碗內，加入薯塊、粟米粒、切片腸仔及沙律醬拌勻，加入少許即磨黑椒及海鹽調味，放入雪櫃雪凍即成。
芝麻醬菠菜
把菠菜的尾部一段切掉，扔入滾水內，加少許芝麻油滾之，約5分鐘後撈起搾乾水份（記著要用力搾乾水份才好吃），再把菠菜切段，加極少許白醋，再加兩大湯匙日式芝麻醬，拌勻即成。
此二物可飯可酒，若配一片燒三文魚或鯖魚，便是一頓精彩的日式家常晚餐，足可驅除焚風下的呆滯胃口也！
全家都好薯仔蛋沙律呢,我還會落無公害紅蘿蔔粒.
而敝宅的消暑凍飲係日本凍麥茶,日式超市常見,可熱沖凍浸那種,消暑良伴也.
芝麻醬配好多食材都好好味, 夏天冇乜謂口, 整d芝麻醬+菜/麵, 又唔會太滯, 食完又覺得飽肚.