今年的遊行，現場所見所感，相比2003年那一次，的確有點沒趣，除了是差佬濫用截龍機制，硬生斬斷人龍削弱氣氛。以往大會習慣安排廣播車開路帶領大家嗌口號，即使大家未必會跟著喊，至少會令遊行有節奏、有動感，奇怪是今年又沒有此安排，實在可惜。
以往各政黨頭頭都會霸佔各路段的行人天橋為大家打氣及高喊口號，今年只見他們出力籌款，亦令遊行泄了氣。最令人費解是拒絕由雷曼苦主打頭陣，在小弟心目中，7.1遊行的終極原則是抗議政府不仁，雷曼在此事上意義深遠，苦主們以其投資取向，昔日在政治上相信亦非常保守，但今日他們亦迫上梁山，由他們帶頭，那股怨氣起碼嚇退差佬也！
總的來說，今年遊行在猶如飯桶的飯民帶領下，恍似沒響聲的Call機，叫我們怎樣向政府覆佢個機呢！？
3個回應
2009/07/05 at 7:07 am
pcheung兄你呢個比喻貼切到不得了。
無聲，但係部call機都仲識得震啩？望就咁望啦。之不過唔知個台仲有無service就真。
p.s.我都好鍾意食腸粉，都知道六蚊大約有幾多。不過覺得跑跑吓仲可以食固體食物落肚，你真係強啫。
2009/07/05 at 5:58 pm
係啦，行完遊行都仲係好火，原來有個沒有響的call 機之故。
2009/07/14 at 10:37 pm
猶如飯桶的飯民<–形容得真係好貼切,唔提起仲以為:乜佢地仲0係度咩