據聞本地有人在臉書成立反對o靚模入侵書展Group，小弟不禁搖頭嘆息，人家拋胸都係為兩餐，何苦趕絕人呢！？何況書展從來都不是甚麼文化活動，如果這班有心人要反o靚模，請先反每年趕在書展浪費紙張出書的偽文化人，如出名打字快的住瓜肥婆，或自稱寫字最多地球人的長毛懂槳，才算是公平的網上操作吧！
提起o靚模熱潮，小弟認為是本地雜誌與蚊型模特兒公司合作，引入東洋或台灣捧o靚模方程式來港所致。話說多年前雜誌開始在消費專題中濫用模特兒，不論介紹的是手機或西瓜，有理無理都加一個模特兒，於是一班傳媒中人看中此商機，紛紛成立蚊型模特兒公司，小弟有個舊同事都劈了炮加入成為模特兒星探兼經理人，這類公司沒有傳統模特兒的包袱，營運方式較靈活進取，又遇上康港長年經濟不景，美少女要找一個有錢男友都競爭激烈，結果兩者一拍即合，o靚模潮的爆發可說是歷史發展的必然結果也！
9個回應
2009/07/09 at 8:04 pm
超！有乜好反丫，唔睇唔留意就已經係落實抵制行動啦。高調即係要”目及” 實人地一舉一動，變相攞正牌”目及”人。
2009/07/09 at 8:29 pm
係，反勿鬼，唔睇o靘模，唔通睇特首咩~~~~
2009/07/09 at 9:09 pm
重有數碼單反普及化催生既一族”亂射男”（AKA 龍友）都對靚模潮有積極推動作用，一個分純打八激都唔嫌少，密過攝錄。
2009/07/09 at 9:10 pm
那天跟日月報的攝記大哥談起，他做完訪問下一個assignment就係約了個客同o靚模影產品照。佢話依家D客甚至貪平直接BOOK o靚模，但呢D o靚妹好唔專業，放飛機遲到都唔奇，好難合作。
2009/07/09 at 10:01 pm
多年都唔支持真正本土土炮長青樹龍虎豹響書展擺檔，已經足夠我反書展有餘。反o靚毛呢Ｄ野，留返比自稱紮晒炮果班萌光社做喇。萌光唔出聲你班 FB 散仔出咩聲話人地o靚毛 cheap ？
2009/07/10 at 9:32 am
我都費事睇。
留言一欄的字太細(我可能老花)。
2009/07/10 at 6:43 pm
咪係，書展幾有文化丫，識拎起支筆既都係作家啦。
至於o靚模，男人唔咸，佢地又點有市場先？都係一買一賣，反黎多舊魚。
2009/07/12 at 8:13 am
雖然我都覺反佢地黎書展係多舊魚
不過我都幾討厭果班只係識拋下胸脫下衣就自以為model o既人
想以肉彈換銀彈o既去援交仲好搵
唔好係書展度阻住晒
2009/07/14 at 7:14 am
完全同意呀, 反咩丫, 冇市就唔會咁多人出來做o靚模啦, 個個(包括d agent)都係出來搵兩餐, 要反不如反果d xx 拎晒長炮去捧o靚模果d啦,冇佢地捧場, 就少好多o靚模