白泥by Contax G1
Originally uploaded by peterbobel.
買左恨左好多年的Contax G1,配多枝G45,緊係要去例牌試機熱點下白泥打幾張日落相啦。G1優點是鏡頭夠銳利兼簡單易用,香檳金機身及鏡頭夠浮誇,用來襯衫一流(幾膚淺)!
當日更難得見到兩位年輕龍友哥哥教一班公公婆婆影日落,公公婆婆主要用各大牌子的入門級數碼單反機,依d場面在日本賞櫻花就見得多,在香港真係第一次見,兩位龍友哥哥好有耐心教公公婆婆點樣取景,及設定光圈的秘技,值得一讚,證明龍友都唔係只識得拎住大炮影o靚模呢!
