前衛

話說H市又推出政改方案芻議，市長在副市長承認要循序漸進增加H市貧富懸殊情況及某長髮議員掟畢紙製微波爐後，現身記招稱今次芻議：「更前衛、更進步、更民主」，離奇在市長用上「前衛」去形容芻議。
套用坊間常見的「前衛」的同義詞，市長之言會有以下劇變及巨變：
1.      更in、更進步、更民主
2.      更charm、更進步、更民主
3.      更爆、更進步、更民主
4.      更“近”、更進步、更民主
5.      更屌、更進步、更民主（「屌」字乃台灣某巨星經常用作形容前衛事物的字眼）
6.      更時髦、更進步、更民主（粵語長片feel）
看看上述巨變後的句式是否很騎尼，或許市長自己知自己事，明白咁嘅芻議都提出來睇吓能否過骨，此行徑確實非常前衛，可見市長其實都是一名老實人，大家都誤解他了！

《2012》與蠢過隻豬

星期六與I小姐去看《2012》，小弟一向喜歡看災難片及肥皂劇，觀賞此片自然會大滿足，可惜看戲時I小姐隔鄰少女的表現實在令人火大，令觀影樂趣大打折扣。
此姝大概二十鬆d，拖著一名著多袋褲的宅男來看戲。開場不久她便問這問哪，低能問題包括：依個係咪男主角？邊個係佢老婆？依度係咪美國？咁套戲依家係講緊2009年？難得宅男仍盡力一一解答，之後她發覺仍是文場戲，便以埋怨的口吻問宅男：又話地震海嘯，無料到嘅？這時宅男亦不耐煩地著她耐心看下去，這時她竟拿出電話打給老友講戲經， I小姐即時發難：搞錯呀，乜嘢年代，仲有人睇戲時講電話，係咪唔識字架！？她聽到便立即收線，怒目望向宅男著他出頭，宅男見小弟怒啤著他，只好低頭飲可樂。
到電影做到一半，她又恍然大悟地問：原來依條友係美國總統，我睇咗咁耐先知？今次到小弟發難，自言自語謂：人咁蠢就過隔離睇撲黑王啦，學人睇西片！她再次怒啤宅男，而宅男再次低頭飲可樂。之後她仍未放棄發問，當戲肉地震、海嘯出場時，她又不停問宅男：依家係地震？依家係海嘯嗱？真係煩Q死。
結果完場時小弟與I小姐有默契地一唱一和：睇咁耐都唔知邊個係美國總統真係蠢過隻豬？依d戲唔啱佢睇架啦？難為解畫果個囉，仲難為坐前後左右d人要聽人解畫！其實都無謂解啦，解咗佢都唔明，都係等DVD出先啦，等佢睇一百次應該就會明。我們站在她倆後邊一唱一和，只見宅男急急拖著蠢女離開，我們心情才爽了一點。走筆至此，發現原來小弟與I小姐都是如此小心眼兼刻薄，難怪至今都做唔到知識份子矣！

不要褲子

H市近日辦蚊型地區運動會，作風盡顯大國特色，果斷地把筆直用作充撐門面，結果令義工呻一條褲要著足兩周，引來義工不滿云云。
面對一條褲子施政危機，本Place慷慨拔刀相助，以上、中、下三計供H市官府選擇：
上計－故衣苦肉計
由H市市長舉行緊急記招，謂蚊型地區運動會筆直緊張，而H市預算又要留作興建膠鐵、活化工廈等大型建築，兼要留有餘錢購買水銀燈膽回饋市民，無奈使到大會義工窮到無褲著。因此決定發起收集20000條運動褲大行動，並身體力行捐出兩條他穿著過的運動褲予義工著用，更強調該兩條運動褲已由其賢妻駁腳，著用後絕無吊腳之弊。此舉相信會激起H市市民同情心，收集20000條運動褲當會火速達標也！
中計－Mix and Match 計
查實電視報道體育盛事的真正制服，是發揚「上身蒸鬆糕、下身賣涼粉」之傳統智慧，即上身西裝恤衫，下身波運加波鞋之獨特打扮。大會可鼓勵義工上身穿著大會之風衣或馬球衫，下身則可穿著自家的波褲，再向各國健兒介紹此乃應付亞熱帶天氣的Mix and Match打扮，相信各國健兒必會大加讚賞矣！
下計－一褲二著計
大會可發揚陳年舊片描述窮等人家一件衫或一條褲如何兩份著之搞笑情節，精心重新編排義工當值的安排，鼓勵他們一條褲兩份著，每十五分鐘義工可享一節小休時間，並須到更衣室除褲予另一名義工著用，這樣一批義工褲便可發揮雙倍效率，大會便不用頭痛張羅長褲之煩惱也！

字瓜兵團與文盲館

Blog界猛男公園仔兄的Now Reading已豎立權威，經他品題的文章確實有一定瞄頭。日前這一篇便很有意思，查實小弟都沒有留意西九文學館的論爭（誰有閒工夫理會那邦人在搞甚麼），不過閱畢此文章，再翻查一下報章的報道，小弟卻認為由文壇肥蛆牽頭的抗爭運動及他們的醜態，只會令頭腦稍為清醒人的人支持官府的決定，築一座文學館只會成為這邦人的巢穴，浪費公堂之極矣。
     或許有好事者認為文學館可以照樣築，只要在館內陳列這邦人的大作，再把文學館取名為文盲館，不失為香江奇景兼極具獵奇特色的旅遊熱點。但小弟認為此建議不可行，話晒香江是甚麼飛龍國際都會，西九更是國際級建設云云，搞一座文盲館實在太丟人現眼了，更何況取名文盲館亦有違政治正確之道，始終我們欠缺字瓜兵團非黑即白的熱情，那些不支持文學便是文盲的論調實在難以宣之於口也。寶貴公堂還是留來築高鐵或佔地四千平方呎兼開在工廈的蚊型私立大學吧！
（題外話：小弟認為論壇當日，當局應以煎糟白咸魚及燒酒款待那班示威者，讓他們感受上一代廣東人「唔知醜，咸魚送燒酒」的市井智慧也！）

四個選擇

睇本Place就知小弟生活寒酸，那些人氣博客如甚麼素人天使，其網上地頭滿山滿海都是美食相片，不分中外，充分反映博主天天gathering的多姿多采的中產生活。（小弟對上一次貼的食物相，只不過是大大碟椒鹽瀨尿蝦而已）。
但由於小弟在咸豐年時做過飲食版記者，當年薪酬微薄，那有閒錢四出試食，撰寫的飲食文章其實都是亂來的，問題是有些唔臭米氣的朋友硬是記著小弟此經歷，久不久就來電問小弟那處有好嘢食，有誠意者小弟都代為上開飯易網站亂找資料然後老點之。更離譜是有一名港女OL舊同事，每隔一陣子就會來電問小弟：我今晚約咗舊同學（有時係老友）在旺角（或銅鑼灣，總之一定係旺區）gathering（唔知點解港女OL成日要gathering），有乜地方d嘢好食、又平、招呼又好又坐得耐的。如此要求，你問蔡樣都未必答到你，不過小弟心地好，每次都提供三個選擇：大家樂、大快活、KFC，每次她聽罷都會回敬一句：頂你！早前她又來電查詢，小弟有感之前給予三個選擇太行貨，便加多一個選擇，比足四個：大家樂、大快活、KFC及吉野家，小弟都暗嘆自己實在太好人了。
究竟小弟此舊同事是甚麼心態，明知小弟會亂答，又久不久來電問此低B問題？小弟讀書少，要回答這類涉及容格精神分析理論的問題實在無能為力，想知道答案者，請移玉步請教那些網上通識老師吧。（即是那些在人家博留言：有趣的文章，謝謝分享，再加多自己通識教室條lin的混吉！需知道，四圍留lin衰格的程度拍得住到處留情也！）

金雞翻身

不出數天，金雞已經極速翻身，因為論人格，燈膽怪比佢仆街得多，論樣衰，金雞比起燈膽怪個中間分界染仔，大可自稱：“玉樹臨風勝潘安；一朵梨花壓海棠”也！

與李教授激情對答

李：你覺得呢個年紀嘅人，有乜共同特色？
我：有時會口渴；有時會肚仔餓。
李：除咗呢樣，生活上呢？
我：唔明點解凍飲要加兩蚊囉。
李：有乜差異？
我：有d人會捨得加兩蚊飲凍飲。
李：你係咪覺得呢代人會好極度地享受呢種好 intensive、好 emotionally intensive？
我：有時覺有時唔覺，同埋依條問題唔深奧，因為你自己都唔知自己問乜春。
李：自拍愉悅係咪快樂一種？
我：我淨係知性變態係精神分裂的一種，劉華在法外情教的；另外最近亦有人話示愛係性騷擾的一種，又或一個眼神都係性騷擾云云。
李：自拍同反叛有冇關係？
我：自拍同操控攝影器材有關，你反叛但舞唔掂d機，想自拍都有心無力。
李：有冇曾經後悔？例如為讀書冇睇一場騷。
我：上網睇返未得囉，仲乜春要後悔。
李：對於我冇睇騷，你有乜comment？
我：我反而想知你仲乜唔在屯門開talk而要跑到西貢，係咪因為想問摘星者希哥拎簽名？
李：依家年輕人係點？
我：我多數係在政府廣告度見到年輕人，唔知點解佢哋掃街都要擰住屎忽跳舞，係咪做緊社會服務令？
李：咁你有冇衝動同欲望梳理自己？
我：腳毛比較多，不過應該唔使梳理，相信舊同學肥wet就要梳理佢d心口毛，十足劊子手咁！
李：你覺得年輕人追求自己或做緊乜嘢係咪好重要？
我：請問自己點樣追求？約自己行街睇戲食飯，再送花比自己？
李：快樂對你o黎講係咩？「你快唔快樂」？
我：問吳覺勁好d wor，佢識唱「我說過要你快樂」，當年佢歌迷會理事肥董同我哋班主任講，依首歌係全宇宙最好聽的。
伸長閱讀：
電鋸兄版；靚師奶版；Jacky版

醜男示愛

金雞事件愈來愈怪，有報道謂女事主曾要求金雞以書面致歉，家陣示愛而已，又唔係輕薄，咁都要道歉，可見女性是如何厭惡醜男示愛這回事。
話說中五時，隔鄰理科班有一奇男名曰塘虱魚，此人天生一副奇相，雙眼突出，臉呈品字形，加上喜歡留一道疏落的八字鬚，如此長相當然嚇怕同級不少少女。離奇地塘虱魚對小弟班首席惡婦長頸鹿一見鍾情，由於長頸鹿是女風紀隊長，塘虱魚認為她當值罵人時英姿颯颯非常迷人，終於某日鼓起勇氣欄著正在當值的長頸鹿呈上情書一封，當日文理班男生收到風，早已雲集長廊側等睇戲，長頸鹿接過信拆開，臉色即時由白變紅再變紫最後變黑，再望向走廊竟然見到全級2/3男生都聚集看此鬧劇，登時破口大罵：想追我，你無鏡都搵攤水照下自己啦！說罷氣沖沖而去。小弟這幫男生登時起哄，圍著塘虱魚扮晒安撫，再指著長頸鹿的背脊罵之。
第二天長頸鹿的好友黑腳找塘虱魚講數，著他放棄追求兼以後唔好再搞情書攻勢，原來當日長頸鹿回到班房竟然嬲到大哭，謂自己做錯甚麼，竟然招惹塘虱魚此等醜男，由此可見，碰到醜男的追求，對女生而言是奇恥大辱也。但正如成功人士經常掛在嘴邊的格言，做人眼光要放遠些，塘虱魚預科畢業後升上西貢大學甚麼電算機工程系，之後加入跨國公司成為專業人士，搖身一變成為惹港女垂涎的筍盤，從功利角度看，長頸鹿當年真是年少無知，親手糟蹋了一段美好良緣矣！
金雞事件愈來愈怪，有報道謂女事主曾要求金雞以書面致歉，家陣示愛而已，又唔係輕薄，咁都要道歉，可見女性是如何厭惡醜男示愛這回事。
話說中五時，隔鄰理科班有一奇男名曰塘虱魚，此人天生一副奇相，雙眼突出，臉呈品字形，加上喜歡留一道疏落的八字鬚，如此長相當然嚇怕同級不少少女。離奇地塘虱魚對小弟班首席惡婦長頸鹿一見鍾情，由於長頸鹿是女風紀隊長，塘虱魚認為她當值罵人時英姿颯颯非常迷人，終於某日鼓起勇氣欄著正在當值的長頸鹿呈上情書一封，當日文理班男生收到風，早已雲集長廊側等睇戲，長頸鹿接過信拆開，臉色即時由白變紅再變紫最後變黑，再望向走廊竟然見到全級2/3男生都聚集看此鬧劇，登時破口大罵：想追我，你無鏡都搵攤水照下自己啦！說罷氣沖沖而去。小弟這幫男生登時起哄，圍著塘虱魚扮晒安撫，再指著長頸鹿的背脊罵之。
第二天長頸鹿的好友黑腳找塘虱魚講數，著他放棄追求兼以後唔好再搞情書攻勢，原來當日長頸鹿回到班房竟然嬲到大哭，謂自己做錯甚麼，竟然招惹塘虱魚此等醜男，由此可見，碰到醜男的追求，對女生而言是奇恥大辱也。但正如成功人士經常掛在嘴邊的格言，做人眼光要放遠些，塘虱魚預科畢業後升上西貢大學甚麼電算機工程系，之後加入跨國公司成為專業人士，搖身一變成為惹港女垂涎的筍盤，從功利角度看，長頸鹿當年真是年少無知，親手糟蹋了一段美好良緣矣！

人肉LCD大屏幕

有老友在臉書問：何解領導要山長水遠去睇人肉LCD大屏幕，此問題不難答，第一，領導此行是紀念與盟友建交六十年，人肉屏幕大匯演是硬食的慣性收視表演，唔睇唔得；第二，盟友國自己都唔想，因為無錢買LCD大屏幕，唯有用人扮頂住癮先。
有理由相信，盟友國老大自己都唔鍾意睇，皆因據聞老大自己最喜歡睇哥斯拉，甚至要自家製作一套保衛農民的乜斯拉來自娛一番；而老大的大公子明顯更欣賞某老鼠的大遊行，誇張到要偷渡去睇，可見晨早睇厭人肉大匯演矣！

求愛不遂

金雞求愛不遂搞出大鑊，小弟最納悶是此事件似乎把求愛不遂與性騷擾混為一談，更有報章找來專家定義何為口頭性騷擾，問題是單純求愛與口頭挑逗如：「你個胸好大！」「幾時執番劑」真是兩回事，如果單純口頭求愛等同言語性騷擾，首先跳出來呼冤的是官差：「我地手得一雙，要拉晒咁多求愛電車男或宅男或攝影男，加多幾次人工都喪失士氣也！」
話分兩頭，如果金雞成個彥祖咁嘅款，唔好話單純求愛，可能即使發動口頭挑逗，對方（聽聞康港係國際都會，因此對手是不分男女的）或許都會心花怒放，點會搞出怒炒繼而比人起尾注之鬧劇矣！